Entrevista a Carlos Gordon
Carlos Gordon ta acabante publicar en KRK un llibru, «La prensa sindical y política asturiana en la transición» nel qu'indaga, dende una perspectiva histórica, na prensa d'esquierdes ente 1975 y 1982. Eses feches, onde naz y fragua la prensa escrita n'asturianu, tuvieron marcaes pola reconversión industrial. Una llectura atenta d'aquelles publicaciones («Mundo Obrero», «El Glayíu», «Xera»...) esplica muncho bien la historia d'Asturies nos años posteriores. «¿Queda dalgo d'aquello? Tolo qu'agora hai d'asturianismu, sía muncho o poco, diba ser inimaxinable ensin aquella prensa. Lo mesmo-y digo del ecoloxismu», esplica Gordon.
¿Por qué escoyó esti periodu, 1975-1982, como época d'estudiu?
Efectivamente los historiadores discuten muncho sobre cuándo empieza y acaba la Transición. Yo escoyí 1975 y 1982 porque me parez qu'hai dos fitos mui importantes: el primeru ye obviamente la muerte de Franco. Pudo haber munchos planes pa empobinar la Transición, pero lo que ta claro ye qu'hasta la muerte de Franco nun foi posible. 1982 tamién ye una fecha clave: ye la primer vez dende la II República qu'un partíu que se proclama d'esi espectru llega al poder con una mayoría enforma y escomienza l'alternacia pacífica.
¿Qué característiques tien esa prensa n'Asturies?
Ún mui básicu ye la preocupación pol procesu de reconversión que se ta fraguando equí. Fundamentalmente nesa prensa tán les respuestes que se daben dende distintos ámbitos: PCA, CC OO, etc. Ehí vese como naz una alternativa rexonalista dientro d'estos grupos, una propuesta de rexonalización de les empreses públiques n'Asturies. N'otros ámbitos apostóse por otru tipu d'alternatives. De cualesquier manera, la recorversión industrial, que yá daquella empezara a fraguar, ye lo que llama l'atención. Tamién hai otra característica importante: culturalmente toos tienen que facese eco d'un fechu mui novedosu. Parte de la opinión pública, organizada alredol de Conceyu Bable, pon de relieve les señes d'identidá, la llingua asturiana...
Precisamente nesti momentu naz la prensa escrita n'asturianu. ¿Tien unes característiques específiques? ¿Comparte a rasgos xenerales les inquietúes del restu?
Dalgunos rasgos sí que comparte. Nun hai qu'escaecer que ye prensa militante. Hai rasgos d'estilu que son comunes: un tonu cuasi doctrinariu; sí tuvo una preocupación polo cultural más grande de lo qu'atopamos n'otros medios. Ye natural: la idea fuerte de l'actitú militante de Conceyu Bable ye la recuperación de la llingua. Aparte d'eso, la prensa n'asturianu va tener un abanicu de temes muncho más ampliu. Toi falando fundamentalmente d'«El Glayíu», una revista que tresciende con muncho les árees d'interés qu'otres teníen. Ellí vamos atopar, escritos n'asturianu, artículos sobre coses muncho variaes, normalmente acutaes pal castellanu. Nun se circunscribíen tampoco a lo político o sindical. Hai crítica de la cultura, feminismu, etc.
D'esta realidá, ¿fíxose eco'l restu de la prensa asturiana? ¿Publicaben collaboraciones n'asturianu?
Pocos. Nel periódicu del PCA hai debates sobre'l tema. Nun ye una constante nin hai una sección espresamente dedicada a eso pero sí que se dediquen númberos especiales a esi tema. Na esquierda radical yera más frecuente. Los medios del MCA van a tar mui atentos, asina como Andecha Xoven (que yera la organización xuvenil del MCA). En xeneral son los medios de la esquierda radical los que tienen más interés nesta cuestión.
¿Qué queda de too ello? ¿Qué coclusiones se puen estraer de la llectura d'esta prensa?
Básicamente la conclusión a la que se llega nel llibru ye que les organizaciones que más destacaron na llucha contra'l franquismu salieron enforma mal paraes... A escepción posiblemente de CC OO (anque tampoco CC OO consiguió caltener la proyección que naquellos años tenía), da la impresión que los partíos que supieron combinar l'oportunismu polícu ensin dexar d'apelar a les vieyes sigles. Yo estudio básicamente la prensa d'esquierda. Les opciones más moderaes son les que salieron triunfantes. ¿Queda dalgo? Tolo qu'agora hai d'asturianismu, sía muncho o poco, diba ser inimaxinable ensin aquella prensa. Lo mesmo-y digo del ecoloxismu.
Les Noticies (edición dixital del 10 de marzu de 2009)
Fonte: Les Noticies.
¿Por qué escoyó esti periodu, 1975-1982, como época d'estudiu?
Efectivamente los historiadores discuten muncho sobre cuándo empieza y acaba la Transición. Yo escoyí 1975 y 1982 porque me parez qu'hai dos fitos mui importantes: el primeru ye obviamente la muerte de Franco. Pudo haber munchos planes pa empobinar la Transición, pero lo que ta claro ye qu'hasta la muerte de Franco nun foi posible. 1982 tamién ye una fecha clave: ye la primer vez dende la II República qu'un partíu que se proclama d'esi espectru llega al poder con una mayoría enforma y escomienza l'alternacia pacífica.
¿Qué característiques tien esa prensa n'Asturies?
Ún mui básicu ye la preocupación pol procesu de reconversión que se ta fraguando equí. Fundamentalmente nesa prensa tán les respuestes que se daben dende distintos ámbitos: PCA, CC OO, etc. Ehí vese como naz una alternativa rexonalista dientro d'estos grupos, una propuesta de rexonalización de les empreses públiques n'Asturies. N'otros ámbitos apostóse por otru tipu d'alternatives. De cualesquier manera, la recorversión industrial, que yá daquella empezara a fraguar, ye lo que llama l'atención. Tamién hai otra característica importante: culturalmente toos tienen que facese eco d'un fechu mui novedosu. Parte de la opinión pública, organizada alredol de Conceyu Bable, pon de relieve les señes d'identidá, la llingua asturiana...
Precisamente nesti momentu naz la prensa escrita n'asturianu. ¿Tien unes característiques específiques? ¿Comparte a rasgos xenerales les inquietúes del restu?
Dalgunos rasgos sí que comparte. Nun hai qu'escaecer que ye prensa militante. Hai rasgos d'estilu que son comunes: un tonu cuasi doctrinariu; sí tuvo una preocupación polo cultural más grande de lo qu'atopamos n'otros medios. Ye natural: la idea fuerte de l'actitú militante de Conceyu Bable ye la recuperación de la llingua. Aparte d'eso, la prensa n'asturianu va tener un abanicu de temes muncho más ampliu. Toi falando fundamentalmente d'«El Glayíu», una revista que tresciende con muncho les árees d'interés qu'otres teníen. Ellí vamos atopar, escritos n'asturianu, artículos sobre coses muncho variaes, normalmente acutaes pal castellanu. Nun se circunscribíen tampoco a lo político o sindical. Hai crítica de la cultura, feminismu, etc.
D'esta realidá, ¿fíxose eco'l restu de la prensa asturiana? ¿Publicaben collaboraciones n'asturianu?
Pocos. Nel periódicu del PCA hai debates sobre'l tema. Nun ye una constante nin hai una sección espresamente dedicada a eso pero sí que se dediquen númberos especiales a esi tema. Na esquierda radical yera más frecuente. Los medios del MCA van a tar mui atentos, asina como Andecha Xoven (que yera la organización xuvenil del MCA). En xeneral son los medios de la esquierda radical los que tienen más interés nesta cuestión.
¿Qué queda de too ello? ¿Qué coclusiones se puen estraer de la llectura d'esta prensa?
Básicamente la conclusión a la que se llega nel llibru ye que les organizaciones que más destacaron na llucha contra'l franquismu salieron enforma mal paraes... A escepción posiblemente de CC OO (anque tampoco CC OO consiguió caltener la proyección que naquellos años tenía), da la impresión que los partíos que supieron combinar l'oportunismu polícu ensin dexar d'apelar a les vieyes sigles. Yo estudio básicamente la prensa d'esquierda. Les opciones más moderaes son les que salieron triunfantes. ¿Queda dalgo? Tolo qu'agora hai d'asturianismu, sía muncho o poco, diba ser inimaxinable ensin aquella prensa. Lo mesmo-y digo del ecoloxismu.
Les Noticies (edición dixital del 10 de marzu de 2009)
Fonte: Les Noticies.
Etiquetas: Transición
posted by Mazhuku | 12:11 p. m.
0 Comments:
Publicar un comentario
<< Home