Entrevista a Rubén Vega I
El próximu domingu cúmplense cuarenta años del entamu de les fuelgues de 1962. La Fundación Juan Muñiz Zapico aprovecha la ocasión pa presentar en Mieres el llibru «Hai una luz en Asturias. Las huelgas de 1962 en Asturias». Acompañando la presentación d’esti testu colectivu va realizase un homenaxe a los veteranos de la llucha obrera. Nesta entrevista, Rubén Vega, coordinador del llibru y presidente de la Fundación, fálanos de la importancia d’aquelles movilizaciones.
–¿Cómo yeren les condiciones de vida de la clase obrera asturiana nos sesenta?
–A xulgar polo que cuenten los testigos bastante precaries. De les munches entrevistes que ficimos na ellaboración del llibru, una cosa na que coinciden prácticamente toos –y que tamién ta rexistrao nos documentos d’archivu– ye que nun se ganaba un duru, había xornaes grandísimes y condiciones de trabayu bastante estenuantes. Nesti sentíu tanto la memoria de los protagonistes como la documentación de los archivos, incluyida la documentación de sectores del réxime, como la policía o’l Sindicatu Vertical, coinciden en que les condiciones de vida de los trabayadores yeren bastante dures.
–¿Cuáles fueren les razones concretes que llevaron a les fuelgues de 1962?
–Hai una combinación de factores relativamente complexa, de descontentu coles condiciones de vida y de trabayu, descontentu cola dictadura, los efectos del plan d’estabilización de 1959 y los recortes drásticos que tuvieron nos salarios... Al final, too indica que les fuelgues precipítense por una combinación de malestar económicu y de descontentu políticu. Un movimientu tan xeneralizáu tien que tar espresando un descontentu mui fondu pola dimensión qu’algamen les fuelgues, pola cantidá de xente que s’involucra, pola facilidá cola que se van encadenando les reacciones, cola que se produz la solidaridá d’una empresa a otra o d’una comunidá a otra, mesmamente. Evidentemente’l descontentu yera mui xeneralizáu y mui fondu.
–¿Qué trescendencia tuvieron n’Asturies?
–D’una manera como namás ocurriere otra vez na historia. Concretamente, en 1934 el movimientu obreru asturianu conviértese nun referente, non sólo pal restu del Estáu, sinón a nivel internacional. Les fuelgues de 1962 consoliden el mitu de l’Asturies «roxa», revolucionaria y obrera, mui vinculáu al papel de los mineros nel movimientu obreru. Nesti sentíu, Vázquez Montalbán dizlo mui claro nel prólogu del llibru cuando escribe qu’hai un momentu de los años sesenta nos que la pregunta, pase lo que pase políticamente n’España, ye ¿y los mineros asturianos qué faen? Estes fuelgues son les mayores qu’hubo en tola dictadura, nin antes nin depués hai una fuelga de semeyante magnitú, hailes más llargues, pero fuelgues d’empresa, non como éstes que se xeneralicen nun sector y se prollonguen per dos meses. Amás provoquen una de les más series crisis polítiques que la reivindicación obrera consiguiere en tol franquismu. El fechu de que’l Réxime salte los sos propios calces llegales, qu’heba un ministru que negocia’l desenllace d’una fuelga... Too eso nun tenía precedentes nin vuelve a pasar, hai otros conflictos qu’evidentemente tamién conmueven les estructures del réxime –particularmente les movilizaciones contra’l Procesu de Burgos o les fuelgues d’El Ferrol, de Vigo o del baxu Llobregat...– pero ye verosímil pensar que nun hai nengún conflictu que tenga l’algame y la trescendencia d’estes fuelgues.
–¿Qué «actos reflexos» xeneraos por estes fuelgues son señalables n’otros puntos del Estáu?
–Hubo una estensión mui amplia de la fuelga. Hai fuelgues que se xeneralicen en prácticamente tola industria, cola excepción d’Altos Hornos en Bizkaia. Pero depués repercusión mayor o menor, a veces mui localizada y otres más estensa, haila na metá de les provincies españoles. Hai fuelgues en Barcelona y en Madrid, en toles cuenques mineres d’España: Andalucía, Aragón, Lleón, Cataluña, Murcia... Nun hai una cuenca minera n’España que nun pare. Hai fuelgues en munchos astilleros... Reflexu del conflictu hailu inclusive en Canaries o Baleares, en sitios bastante insólitos naquel tiempu y no que yera’l movimientu obreru.
–Enantes yá lo comentasti un poco per alto; ¿cuála foi la reacción del aparatu franquista delantre les fuelgues?
–Tienen delles respuestes en distintes fases. Nun primer momentu tán mui condicionaos pol contestu, acaben de solicitar negociaciones col Mercáu Común y entós intenten encalzar el conflictu plantegándolu como un problema llaboral. A midía que’l conflictu va creciendo y que se-yos va de les manes faen lo qu’efectivamente facía colos conflictos obreros: palu, represión... Ehí entamen a detener xente, les detenciones, les tortures, redaes masives pa, finalmente, decretar l’estáu d’escepción, colo que se suspenden les presuntes garantíes que’l Fueru de los Españoles contemplaba. Pero, como la fuelga sigue creciendo y trasciende fuera d’Asturies, hai un momentu nel que’l Réxime decide facer una cosa que ye bastante insólita: negociar. Nesi momentu el ministru Solís desplázase a Asturies, pasa una selmana negociando y aende hasta abren, dientro d’una situación que llegalmente yera d’estáu d’escepción, espacios pa facer asambleas nos pozos, pa elexir comisiones que representen a los trabayadores y pa qu’al traviés d’eses comisiones s’espresen les demandes de los trabayadores. Esta situación ye tamién bastante insólita, tien mui pocos precedentes y mui pocos paralelismos. Finalmente, nel tema específicu de los mineros acaben cediendo. Les reivindicaciones de los mineros acaben siendo recoyíes nun decretu que sal nel Boletín Oficial del Estáu cuando la fuelga inda ta activa. Les represalies son relativamente poques nesta primer fuelga, la de la primavera, en rellación colo que fueren n’otros conflictos, lo que pasa ye que la fuelga rebrota otra vez n’agostu y ehí’l Réxime yá vuelve a les sos más pures esencies: deportación de 126 trabayadores, cientos de despidos... intenten sofocar al movimientu obreru pola vía clásica de la represión pura y dura.
–La prensa reflexaba too esto d’una manera mui peculiar, ¿non?
–El comportamientu de la prensa ye mui revelador de lo que representa una prensa controlada, censurada y dirixida nun réxime dictatorial. Na primer fuelga la prensa mantién un silenciu absolutu unes selmanes hasta que llega’l decretu d’estáu d’escepción. Nesi momentu yá nun se puede negar la so esistencia –el decretu d’estáu d’escepción señalaba precisamente les fuelgues como ún de los principales motivos– y entós pasen tol mes de mayu escribiendo que la fuelga acaba, que los trabayadores vuelven al trabayu, hasta que llega Solís y entama a haber un tratamientu mas exhaustivu de lo que ta pasando, de la negociación abierta. Siempre con informaciones que nun tán siendo redactaes polos periodistes, sinón que tán siendo emitíes directamente dende’l Ministeriu d’Información y Turismu, de manera que cuando agora vas a la hemeroteca y mires los distintos periódicos alcuentres que les informaciones son lliterales, exactamente igual, lo que cambia son los titulares, que yera lo único qu’escribíen nes redacciones.
Ramón Lluis Bande
Publicáu en: Les Noticies, 7 d'abril de 2002.
Fonte: Les Noticies.
–¿Cómo yeren les condiciones de vida de la clase obrera asturiana nos sesenta?
–A xulgar polo que cuenten los testigos bastante precaries. De les munches entrevistes que ficimos na ellaboración del llibru, una cosa na que coinciden prácticamente toos –y que tamién ta rexistrao nos documentos d’archivu– ye que nun se ganaba un duru, había xornaes grandísimes y condiciones de trabayu bastante estenuantes. Nesti sentíu tanto la memoria de los protagonistes como la documentación de los archivos, incluyida la documentación de sectores del réxime, como la policía o’l Sindicatu Vertical, coinciden en que les condiciones de vida de los trabayadores yeren bastante dures.
–¿Cuáles fueren les razones concretes que llevaron a les fuelgues de 1962?
–Hai una combinación de factores relativamente complexa, de descontentu coles condiciones de vida y de trabayu, descontentu cola dictadura, los efectos del plan d’estabilización de 1959 y los recortes drásticos que tuvieron nos salarios... Al final, too indica que les fuelgues precipítense por una combinación de malestar económicu y de descontentu políticu. Un movimientu tan xeneralizáu tien que tar espresando un descontentu mui fondu pola dimensión qu’algamen les fuelgues, pola cantidá de xente que s’involucra, pola facilidá cola que se van encadenando les reacciones, cola que se produz la solidaridá d’una empresa a otra o d’una comunidá a otra, mesmamente. Evidentemente’l descontentu yera mui xeneralizáu y mui fondu.
–¿Qué trescendencia tuvieron n’Asturies?
–D’una manera como namás ocurriere otra vez na historia. Concretamente, en 1934 el movimientu obreru asturianu conviértese nun referente, non sólo pal restu del Estáu, sinón a nivel internacional. Les fuelgues de 1962 consoliden el mitu de l’Asturies «roxa», revolucionaria y obrera, mui vinculáu al papel de los mineros nel movimientu obreru. Nesti sentíu, Vázquez Montalbán dizlo mui claro nel prólogu del llibru cuando escribe qu’hai un momentu de los años sesenta nos que la pregunta, pase lo que pase políticamente n’España, ye ¿y los mineros asturianos qué faen? Estes fuelgues son les mayores qu’hubo en tola dictadura, nin antes nin depués hai una fuelga de semeyante magnitú, hailes más llargues, pero fuelgues d’empresa, non como éstes que se xeneralicen nun sector y se prollonguen per dos meses. Amás provoquen una de les más series crisis polítiques que la reivindicación obrera consiguiere en tol franquismu. El fechu de que’l Réxime salte los sos propios calces llegales, qu’heba un ministru que negocia’l desenllace d’una fuelga... Too eso nun tenía precedentes nin vuelve a pasar, hai otros conflictos qu’evidentemente tamién conmueven les estructures del réxime –particularmente les movilizaciones contra’l Procesu de Burgos o les fuelgues d’El Ferrol, de Vigo o del baxu Llobregat...– pero ye verosímil pensar que nun hai nengún conflictu que tenga l’algame y la trescendencia d’estes fuelgues.
–¿Qué «actos reflexos» xeneraos por estes fuelgues son señalables n’otros puntos del Estáu?
–Hubo una estensión mui amplia de la fuelga. Hai fuelgues que se xeneralicen en prácticamente tola industria, cola excepción d’Altos Hornos en Bizkaia. Pero depués repercusión mayor o menor, a veces mui localizada y otres más estensa, haila na metá de les provincies españoles. Hai fuelgues en Barcelona y en Madrid, en toles cuenques mineres d’España: Andalucía, Aragón, Lleón, Cataluña, Murcia... Nun hai una cuenca minera n’España que nun pare. Hai fuelgues en munchos astilleros... Reflexu del conflictu hailu inclusive en Canaries o Baleares, en sitios bastante insólitos naquel tiempu y no que yera’l movimientu obreru.
–Enantes yá lo comentasti un poco per alto; ¿cuála foi la reacción del aparatu franquista delantre les fuelgues?
–Tienen delles respuestes en distintes fases. Nun primer momentu tán mui condicionaos pol contestu, acaben de solicitar negociaciones col Mercáu Común y entós intenten encalzar el conflictu plantegándolu como un problema llaboral. A midía que’l conflictu va creciendo y que se-yos va de les manes faen lo qu’efectivamente facía colos conflictos obreros: palu, represión... Ehí entamen a detener xente, les detenciones, les tortures, redaes masives pa, finalmente, decretar l’estáu d’escepción, colo que se suspenden les presuntes garantíes que’l Fueru de los Españoles contemplaba. Pero, como la fuelga sigue creciendo y trasciende fuera d’Asturies, hai un momentu nel que’l Réxime decide facer una cosa que ye bastante insólita: negociar. Nesi momentu el ministru Solís desplázase a Asturies, pasa una selmana negociando y aende hasta abren, dientro d’una situación que llegalmente yera d’estáu d’escepción, espacios pa facer asambleas nos pozos, pa elexir comisiones que representen a los trabayadores y pa qu’al traviés d’eses comisiones s’espresen les demandes de los trabayadores. Esta situación ye tamién bastante insólita, tien mui pocos precedentes y mui pocos paralelismos. Finalmente, nel tema específicu de los mineros acaben cediendo. Les reivindicaciones de los mineros acaben siendo recoyíes nun decretu que sal nel Boletín Oficial del Estáu cuando la fuelga inda ta activa. Les represalies son relativamente poques nesta primer fuelga, la de la primavera, en rellación colo que fueren n’otros conflictos, lo que pasa ye que la fuelga rebrota otra vez n’agostu y ehí’l Réxime yá vuelve a les sos más pures esencies: deportación de 126 trabayadores, cientos de despidos... intenten sofocar al movimientu obreru pola vía clásica de la represión pura y dura.
–La prensa reflexaba too esto d’una manera mui peculiar, ¿non?
–El comportamientu de la prensa ye mui revelador de lo que representa una prensa controlada, censurada y dirixida nun réxime dictatorial. Na primer fuelga la prensa mantién un silenciu absolutu unes selmanes hasta que llega’l decretu d’estáu d’escepción. Nesi momentu yá nun se puede negar la so esistencia –el decretu d’estáu d’escepción señalaba precisamente les fuelgues como ún de los principales motivos– y entós pasen tol mes de mayu escribiendo que la fuelga acaba, que los trabayadores vuelven al trabayu, hasta que llega Solís y entama a haber un tratamientu mas exhaustivu de lo que ta pasando, de la negociación abierta. Siempre con informaciones que nun tán siendo redactaes polos periodistes, sinón que tán siendo emitíes directamente dende’l Ministeriu d’Información y Turismu, de manera que cuando agora vas a la hemeroteca y mires los distintos periódicos alcuentres que les informaciones son lliterales, exactamente igual, lo que cambia son los titulares, que yera lo único qu’escribíen nes redacciones.
Ramón Lluis Bande
Publicáu en: Les Noticies, 7 d'abril de 2002.
Fonte: Les Noticies.
Etiquetas: Franquismo
posted by Mazhuku | 9:32 p. m.
0 Comments:
Publicar un comentario
<< Home