Últimu esfuerzu
Nestos díes nos que se cumplen setenta y ún años d’aquella revolución d’ochobre, anque yá se tien escrito muncho sobre estos fechos, quedría sacar del arca l’escaezu a la columna Últimu Esfuerzu.
El día catorce d’ochobre, mientres el xeneral López Ochoa ta desfilando peles cais d’Uviéu como seña de vitoria, en San Llázaro y en San Esteban de les Cruces tovía tan lluchando ensin cuartel los revolucionarios y les tropes gubernamentales, cola idea d’abrir un camín definitivu pa entrar nes Cuenques.
Los revolucionarios, nos díes 14, 15 y 16, suxeten les tropes del África ellí, pa qu’éstes nun puedan entrar na cuenca, porque se figuraben que’l so destín nun diba ser mui distintu a los pueblos de Villafría, San Pedro los Arcos o La Tenderina, onde entraren a bayoneta calada y fixeren un escarniu que val más nun nomar. Pa protexer la retirada, llegaron de Sotrondio, Sama y Mieres trescientos voluntarios, cadún con quince cartuchos de dinamita, col oxetivu de nun ceder nin un pasu énte l’avance de los moros. Esta columna d’homes, mayormente mozos, formen ún de los meyores grupos de combate de la Revolución. Taben motivaos polo que vieren colos sos propios güeyos y pol deséu d’impidir que pasare lo mesmo nos valles mineros. Pa ello llevanten una auténtica muria de contención, hasta que llega l’alcuerdu de rindición pautáu ente’l xeneral López Ochoa y Belarmino Tomás el día 18.
Esta recua xente tuvo dirixida por Herminio Vallina y David Antuña, socialistes de Samartín del Rei Aurelio y solo tuvieron l’ayuda de dos cañones de la fábrica Trubia y de la munición que llegaba dende Sama.Namás ver la represión que-yos diba tocar, pesie les bones pallabres de López Ochoa, los dirixentes y los más comprometíos decidieron dase a la fuga. David Antuña y Herminio Vallina consíguenlo; pero’l fíu d’esti últimu, Ángel Vallina, minero de dieciséis años, nun tien la mesma suerte y acabó los sos díes na fuesa común de La Curuxona, en Carbayín, víctima d’una operación de castigu dirixía por Rafael Alonso Nart, hermanu del capitán Nart, que morrió na Revolución.
El día catorce d’ochobre, mientres el xeneral López Ochoa ta desfilando peles cais d’Uviéu como seña de vitoria, en San Llázaro y en San Esteban de les Cruces tovía tan lluchando ensin cuartel los revolucionarios y les tropes gubernamentales, cola idea d’abrir un camín definitivu pa entrar nes Cuenques.
Los revolucionarios, nos díes 14, 15 y 16, suxeten les tropes del África ellí, pa qu’éstes nun puedan entrar na cuenca, porque se figuraben que’l so destín nun diba ser mui distintu a los pueblos de Villafría, San Pedro los Arcos o La Tenderina, onde entraren a bayoneta calada y fixeren un escarniu que val más nun nomar. Pa protexer la retirada, llegaron de Sotrondio, Sama y Mieres trescientos voluntarios, cadún con quince cartuchos de dinamita, col oxetivu de nun ceder nin un pasu énte l’avance de los moros. Esta columna d’homes, mayormente mozos, formen ún de los meyores grupos de combate de la Revolución. Taben motivaos polo que vieren colos sos propios güeyos y pol deséu d’impidir que pasare lo mesmo nos valles mineros. Pa ello llevanten una auténtica muria de contención, hasta que llega l’alcuerdu de rindición pautáu ente’l xeneral López Ochoa y Belarmino Tomás el día 18.
Esta recua xente tuvo dirixida por Herminio Vallina y David Antuña, socialistes de Samartín del Rei Aurelio y solo tuvieron l’ayuda de dos cañones de la fábrica Trubia y de la munición que llegaba dende Sama.Namás ver la represión que-yos diba tocar, pesie les bones pallabres de López Ochoa, los dirixentes y los más comprometíos decidieron dase a la fuga. David Antuña y Herminio Vallina consíguenlo; pero’l fíu d’esti últimu, Ángel Vallina, minero de dieciséis años, nun tien la mesma suerte y acabó los sos díes na fuesa común de La Curuxona, en Carbayín, víctima d’una operación de castigu dirixía por Rafael Alonso Nart, hermanu del capitán Nart, que morrió na Revolución.
Sergio Montero Fernández
Espublizau en: Les Noticies, 16 d'ochobre 2005.
Dixitalización: El cielu por asaltu.
Etiquetas: Ochobre 1934
posted by Mazhuku | 12:52 a. m.
0 Comments:
Publicar un comentario
<< Home