Descubiertos dellos infiltraos policiales
Según investigaciones entamaes pol Güei, la policía intentó infiltrar a dos confidentes nes últimes protestes obreres qu'ocurrieron en Xixón. A la espera de datos definitivos que permitan identificar con nomes y apellíos a estes persones, adelantamos la noticia pol interés de la mesma pa diversos grupos y organizaciones sociales.
Dende hai unos años, la Brigada de Información de la Policía española y la Guardia Civil vienen intentando infiltrar dalgún axente ente les diferentes organizaciones y grupos que n'Asturies se mueven nes estremaes estayes de la llucha social y nacional. El Güei tien constancia de dos infiltraos policiales qu'actuaron dientro de les últimes protestes en conflictos llaborales en Xixón, y les investigaciones al respecto van facer qu'en prósimos númberos podamos apurrir la información completa d'estes persones.
La actividá d'estos policíes centrábase en participar nes protestes y movilizaciones de los trabayadores y recoyer información sobre la xente que taba na llucha. Inclusu intentaben l'acercamientu a dalguna persona qu'ellos camentaben d'interés pal so trabayu policial.
Nun ye la primer vez que se tien constancia d'artimañes d'esti tipu, ya qu'últimamente elementos de la policía española y la Guardia Civil n'Asturies tan de contino intentando contar con confidentes y informadores. Hai unos meses, dellos elementos policiales ufiertaron a un xoven d'Uviéu que participaba nun programa d'una radiu llibre, dineru a cambio d'información. La mesma táctica qu'emplegaron con otru xoven de Trubia al que-y ofrecieren trabayu, dineru y "una moto" a cambio d'infiltrase nel PCE(r).
Tamién son práctiques que davezu utiliza la policía, los contautos y conversaciones con dirixentes sindicales o otres persones con relevancia nuna militancia política concreta. La búsqueda d'información per esti lláu al traviés de "amigables charres", qu'entamen cola escusa d'encamientos y alvertencies, tienen una doble consecuencia. Primero, l'amenaza ante la realización d'acciones que van fuera de la llegalidá, y segundo, l'alvertencia d'una segura criminalización pública si se da sofitu a grupos y persones que son reprimíes pola so supuesta relación col conflictu vascu o la llucha armada.
Esti periódicu sabe por fuentes segures que comisarios de la policía española tienen esti tipu de charres con persones d'organizaciones d'izquierdes en Xixón. Ensin embargu, el pocu resultáu que saca la policía d'esti métodu del "combaye", fai que sigan tamién utilizando otra riestra de ferramientes pa la investigación político-social.
Pinchazos telefónicos, escuches y seguimientos policiales
El Güei tien conocimientu de pinchazos telefónicos illegales en delles sedes d'organizaciones polítiques y sindicales d'Asturies. Esti fechu que pue paecer más propiu d'un Estáu policial que d'un supuestu Estáu de derechu, ye práctica policial de contino. Miembros de CSI, CGT o CNT declararon a esti periódicu saber de xuru que'l teléfonu del so local ta pincháu pola policía. Tamién, persones solidaries colos presos y preses afirmen ser víctimes de siguimientos por cuenta de policíes de paisanu qu'a veces faen ver claramente la so presencia de forma evidente, cola fin d'amenaciar y intimidar. Otres persones, víctimes de montaxes policiales, como'l deteníu polos sucesos del pasáu 1º Mayu, o los deteníos pola quema d'una bandera española, pudieron comprebar pola propia policía, cómo fueron xixilaos durante díes enteros simplemente por militar nel nacionalismu d'izquierdes asturianu. Hasta una radiu llibre como Radio Kras que cuenta col sofitu económicu del Ayuntamientu de Xixón tien el teléfonu pincháu, como pudieron ver delles persones cuando llamaron a la emisora p'avisar al presentador del programa "Derribando Muros" que teníen una cinta grabada por un presu en Villabona, y al día siguiente esi presu sufrió un "cacheo" en tola celda y foi cambiáu de módulu.
La práctica totalidá del movimientu contestatariu n'Asturies (perteneza a una significación política o a otra), ta nel puntu de mira de les estructures policiales. Ensin embargu esti fechu nun foi entovía denunciáu xudicialmente por denguna de les organizaciones afectaes pesie a qu'estes midíes son illegales dafechu.
Publicáu en: Güei, nº33 (marzu 2001).
Dixitalización: El cielu por asaltu.
Dende hai unos años, la Brigada de Información de la Policía española y la Guardia Civil vienen intentando infiltrar dalgún axente ente les diferentes organizaciones y grupos que n'Asturies se mueven nes estremaes estayes de la llucha social y nacional. El Güei tien constancia de dos infiltraos policiales qu'actuaron dientro de les últimes protestes en conflictos llaborales en Xixón, y les investigaciones al respecto van facer qu'en prósimos númberos podamos apurrir la información completa d'estes persones.
La actividá d'estos policíes centrábase en participar nes protestes y movilizaciones de los trabayadores y recoyer información sobre la xente que taba na llucha. Inclusu intentaben l'acercamientu a dalguna persona qu'ellos camentaben d'interés pal so trabayu policial.
Nun ye la primer vez que se tien constancia d'artimañes d'esti tipu, ya qu'últimamente elementos de la policía española y la Guardia Civil n'Asturies tan de contino intentando contar con confidentes y informadores. Hai unos meses, dellos elementos policiales ufiertaron a un xoven d'Uviéu que participaba nun programa d'una radiu llibre, dineru a cambio d'información. La mesma táctica qu'emplegaron con otru xoven de Trubia al que-y ofrecieren trabayu, dineru y "una moto" a cambio d'infiltrase nel PCE(r).
Tamién son práctiques que davezu utiliza la policía, los contautos y conversaciones con dirixentes sindicales o otres persones con relevancia nuna militancia política concreta. La búsqueda d'información per esti lláu al traviés de "amigables charres", qu'entamen cola escusa d'encamientos y alvertencies, tienen una doble consecuencia. Primero, l'amenaza ante la realización d'acciones que van fuera de la llegalidá, y segundo, l'alvertencia d'una segura criminalización pública si se da sofitu a grupos y persones que son reprimíes pola so supuesta relación col conflictu vascu o la llucha armada.
Esti periódicu sabe por fuentes segures que comisarios de la policía española tienen esti tipu de charres con persones d'organizaciones d'izquierdes en Xixón. Ensin embargu, el pocu resultáu que saca la policía d'esti métodu del "combaye", fai que sigan tamién utilizando otra riestra de ferramientes pa la investigación político-social.
Pinchazos telefónicos, escuches y seguimientos policiales
El Güei tien conocimientu de pinchazos telefónicos illegales en delles sedes d'organizaciones polítiques y sindicales d'Asturies. Esti fechu que pue paecer más propiu d'un Estáu policial que d'un supuestu Estáu de derechu, ye práctica policial de contino. Miembros de CSI, CGT o CNT declararon a esti periódicu saber de xuru que'l teléfonu del so local ta pincháu pola policía. Tamién, persones solidaries colos presos y preses afirmen ser víctimes de siguimientos por cuenta de policíes de paisanu qu'a veces faen ver claramente la so presencia de forma evidente, cola fin d'amenaciar y intimidar. Otres persones, víctimes de montaxes policiales, como'l deteníu polos sucesos del pasáu 1º Mayu, o los deteníos pola quema d'una bandera española, pudieron comprebar pola propia policía, cómo fueron xixilaos durante díes enteros simplemente por militar nel nacionalismu d'izquierdes asturianu. Hasta una radiu llibre como Radio Kras que cuenta col sofitu económicu del Ayuntamientu de Xixón tien el teléfonu pincháu, como pudieron ver delles persones cuando llamaron a la emisora p'avisar al presentador del programa "Derribando Muros" que teníen una cinta grabada por un presu en Villabona, y al día siguiente esi presu sufrió un "cacheo" en tola celda y foi cambiáu de módulu.
La práctica totalidá del movimientu contestatariu n'Asturies (perteneza a una significación política o a otra), ta nel puntu de mira de les estructures policiales. Ensin embargu esti fechu nun foi entovía denunciáu xudicialmente por denguna de les organizaciones afectaes pesie a qu'estes midíes son illegales dafechu.
Publicáu en: Güei, nº33 (marzu 2001).
Dixitalización: El cielu por asaltu.
Etiquetas: Democracia
posted by Mazhuku | 8:22 p. m.
0 Comments:
Publicar un comentario
<< Home