La prensa clandestino n'Asturies
L’historiador Gabriel Santullano publicó apocayá’l llibru ‘La prensa clandestina en Asturias’, onde pescuda nos panfletos y periódicos que foron espublizaos de manera illegal durante’l franquismu.
-¿Dónde surdió la idea pal so llibru?
-Fai más de venti años publiqué un artículu sobre la prensa clandestino nuna revista na que collaborara como profesor d’Historia. El tema pareció-y interesante a Rubén Vega, por aquel entós presidente de la fundación Muñiz Zapico y propúnxome un trabayu mayor. Nun primer momentu diba a ser una publicación con dos partes, per una parte la prensa clandestino y per otra la prensa durante la transición que diba a escribir un compañeru historiador. A la fin viemos que’l trabayu yera estenso y qu’había suficiente material pa un llibru independiente, polo que se decidió publicar dos obres independientes. Agora ya se publicó’l mio llibru y Carlos Gordon ta trabayando nel otru.
-¿Qué esperaba atopar na so investigación?
-Polos mios conocimientos yo ya sabía más o menos lo qu’había. Alcontréme la respuesta a la prensa oficial de la dómina y sobre to a la Llei de Prensa, qu’en realidá diba contra’l propiu periodismu y la llibertá d’espresión. La prensa oficial taba vestío d’azul y mariello y diba empobinao a engañar a los súbditos, porque durante’l franquismu nun había ciudadanos, sólo súbditos. Na prensa clandestino atopé la verdá y los fechos qu’ocultaben los periódicos oficiales.
-¿Cuál foi’l pesu de la prensa clandestino n’Asturies?
-Hai que comparar la influencia y tamañu de la nuestra rexón con otres comunidaes asemeyaes, non con Madrid o Cataluña. Pero dientro de lo que ye Asturies los noventa y ocho periódicos que pudi documentar ye una cantidá bultable. Sobre too si analizamos la continuidá de delles publicaciones. Por exemplu “Mundo Obrero” entama’l so caleyar en 1945 y tres pesllase y abrise varies veces continúa la so publicación n’Asturies durante los años 60. La revista “Verdad” del Partíu Comunista publícase en 1966 y faise ensin interrupciones hasta varios años dempués de la muerte de Franco. Casos asemeyaos son les publicaciones “Adelante” d’UGT, “Estrategia obrera” d’USO o los periódicos dependientes de CCOO dende 1967.
-¿Yera dura la persecución oficial a estes publicaciones?
-Ye ñidio que d’ente tola clandestinidá la prensa yera’l campu más difícil. Por exemplu nun había Derechu d’Asociación, pero yera abegoso implicar a varies persones porque elles podíen ponese d’alcuerdu pa negalo, pero si te pescaben con un periódicu clandestín nes manes yera una preba que siempre te llevaba a l’alcárcel. Amás había munchos güeyos y oyíos indiscretos.
-¿La prensa clandestino llegó a minoríes puntuales o a grandes mases?
-Tolos periódicos tienen una evolución y un crecimientu natural. Dalgunas publicaciones clandestinas asturianes pasaron de 100 exemplares a 7.000 durante la so andadura a pesar de les dificultaes de la clandestinidá, que nos últimos años dulcificóse. Lo cierto ye que la teoría demuestra que los periódicos lleenlos les élites con capacidá y que lluego distribúinse les sos noticies per otres canales indirectes, inclusu anguañu. A esto hai que sumar que la dificultá de los trabayadores n’España tres la guerra, que yeren esclavos y la oposición minoritaria al réximen durante un bon tiempu. Nesti sen tuvieron más influencia les radios porque compatibilizaben les emisiones colos tiempos llibres o de descansu de los obreros.
-¿Qué papel desempeñó esta prensa?
-Fundamental a pesar de les dificultaes. Como dixi antes les radios sirvíen p’averar al mundu obreru al Partíu Comunista, pero lluego afitábense mediante la prensa. La prensa clandestino foi necesaria dafechu.
-¿Cómo se siente usté dempués de vese encarceláu por trabayar na prensa clandestino?
-Mui orguyosu d’haber sío ún de los participantes, aunque confieso que yo fui de los que sufrí menos. Hubo otros que lo pasaron infinitamente peor. Tengo l’orguyu y la cabeza bien alta d’haber ayudao a trayer la llibertá y el socialismu a España. Nesi momentu creyí que yera absolutamente necesariu y güei volvería a facelo sin dulda.
-¿Cómo se sintió cuando llegó la llibertá d’espresión y la democracia?
-Perfeliz, magar qu’al mio entender nun se consiguió tolo que pretendíamos, anque non siempre se consigue lo que se nagua. Espero que los mios fios y ñetos puedan vivir nuna sociedá meyor a la nuesa gracies a toos estos cambios. Yo tovía creo que’l socialismu ye posible, pero hai que siguir trabayando.
-Fai más de venti años publiqué un artículu sobre la prensa clandestino nuna revista na que collaborara como profesor d’Historia. El tema pareció-y interesante a Rubén Vega, por aquel entós presidente de la fundación Muñiz Zapico y propúnxome un trabayu mayor. Nun primer momentu diba a ser una publicación con dos partes, per una parte la prensa clandestino y per otra la prensa durante la transición que diba a escribir un compañeru historiador. A la fin viemos que’l trabayu yera estenso y qu’había suficiente material pa un llibru independiente, polo que se decidió publicar dos obres independientes. Agora ya se publicó’l mio llibru y Carlos Gordon ta trabayando nel otru.
-¿Qué esperaba atopar na so investigación?
-Polos mios conocimientos yo ya sabía más o menos lo qu’había. Alcontréme la respuesta a la prensa oficial de la dómina y sobre to a la Llei de Prensa, qu’en realidá diba contra’l propiu periodismu y la llibertá d’espresión. La prensa oficial taba vestío d’azul y mariello y diba empobinao a engañar a los súbditos, porque durante’l franquismu nun había ciudadanos, sólo súbditos. Na prensa clandestino atopé la verdá y los fechos qu’ocultaben los periódicos oficiales.
-¿Cuál foi’l pesu de la prensa clandestino n’Asturies?
-Hai que comparar la influencia y tamañu de la nuestra rexón con otres comunidaes asemeyaes, non con Madrid o Cataluña. Pero dientro de lo que ye Asturies los noventa y ocho periódicos que pudi documentar ye una cantidá bultable. Sobre too si analizamos la continuidá de delles publicaciones. Por exemplu “Mundo Obrero” entama’l so caleyar en 1945 y tres pesllase y abrise varies veces continúa la so publicación n’Asturies durante los años 60. La revista “Verdad” del Partíu Comunista publícase en 1966 y faise ensin interrupciones hasta varios años dempués de la muerte de Franco. Casos asemeyaos son les publicaciones “Adelante” d’UGT, “Estrategia obrera” d’USO o los periódicos dependientes de CCOO dende 1967.
-¿Yera dura la persecución oficial a estes publicaciones?
-Ye ñidio que d’ente tola clandestinidá la prensa yera’l campu más difícil. Por exemplu nun había Derechu d’Asociación, pero yera abegoso implicar a varies persones porque elles podíen ponese d’alcuerdu pa negalo, pero si te pescaben con un periódicu clandestín nes manes yera una preba que siempre te llevaba a l’alcárcel. Amás había munchos güeyos y oyíos indiscretos.
-¿La prensa clandestino llegó a minoríes puntuales o a grandes mases?
-Tolos periódicos tienen una evolución y un crecimientu natural. Dalgunas publicaciones clandestinas asturianes pasaron de 100 exemplares a 7.000 durante la so andadura a pesar de les dificultaes de la clandestinidá, que nos últimos años dulcificóse. Lo cierto ye que la teoría demuestra que los periódicos lleenlos les élites con capacidá y que lluego distribúinse les sos noticies per otres canales indirectes, inclusu anguañu. A esto hai que sumar que la dificultá de los trabayadores n’España tres la guerra, que yeren esclavos y la oposición minoritaria al réximen durante un bon tiempu. Nesti sen tuvieron más influencia les radios porque compatibilizaben les emisiones colos tiempos llibres o de descansu de los obreros.
-¿Qué papel desempeñó esta prensa?
-Fundamental a pesar de les dificultaes. Como dixi antes les radios sirvíen p’averar al mundu obreru al Partíu Comunista, pero lluego afitábense mediante la prensa. La prensa clandestino foi necesaria dafechu.
-¿Cómo se siente usté dempués de vese encarceláu por trabayar na prensa clandestino?
-Mui orguyosu d’haber sío ún de los participantes, aunque confieso que yo fui de los que sufrí menos. Hubo otros que lo pasaron infinitamente peor. Tengo l’orguyu y la cabeza bien alta d’haber ayudao a trayer la llibertá y el socialismu a España. Nesi momentu creyí que yera absolutamente necesariu y güei volvería a facelo sin dulda.
-¿Cómo se sintió cuando llegó la llibertá d’espresión y la democracia?
-Perfeliz, magar qu’al mio entender nun se consiguió tolo que pretendíamos, anque non siempre se consigue lo que se nagua. Espero que los mios fios y ñetos puedan vivir nuna sociedá meyor a la nuesa gracies a toos estos cambios. Yo tovía creo que’l socialismu ye posible, pero hai que siguir trabayando.
Javier Iglesias [Semeya de Xurde Margaride]
La prensa clandestina en Asturias, Gabriel Santullano. Fundación Juan Muñiz Zapico y KRK Ediciones. Oviedo, 2006. 536 pp.
Fuente: La Voz de Asturias (suplementu 'Lletres'), 5 d'abril 2006.
Digitalización: El cielu por asaltu.
Etiquetas: Franquismo
posted by Mazhuku | 8:03 p. m.
1 Comments:
Excelente, gracias por el trabajo.
Publicar un comentario
<< Home