El cielu por asaltu

Recuperar la dignidá, recuperar la llucha. Documentos pa la hestoria del movimientu obreru y la clase obrera n'Asturies.

Nombre:

jueves, mayo 29, 2008

Al pueblu trabayaor de Mieres

Güei, que nun queda na más que la tercera parte la batería funcionando, (per pocu tiempu, ya que ta tan estropiá como la "B" que trancó-se dafechu fai dos selmanes), ve-se a les clares la política'l gobiernu no que cinca al futuru social/endustrial de Mieres y Asturies: el desmantelamientu como'n fechu consumau. Y tien, ca vegá, que ser más ñidio pa toos, que delantre unos fechos que se mos imponen na más pue opone-se la fuercia d'otros fechos, na más van valir les baces de fuercia que tienen los trabayaores y xente'n xeneral: l'ación fuerte na cai y nos tayos.

Delantre la crítica situación na que s'enserta el Conceyu Mieres y Conceyos del Caudal, los nacionalistes revolucionarios, sopelexamos afayaízo falar de tres coses, ya dend'equí, y sabiendo que ye la nuestra primera y insuficiente toma postura; y partiendo dende'l sofitu dafechu militante de nuestru a toles aciones entamaes y programaes pelos trabayaores de la Fábrica y la xente de Mieres.

1.- De la oligarquía, del gobiernu de so, de los cabezaleros d'Ensidesa, tenemos poco que dicir, (nun son abondo les pallabres pa facé-los cambiar), son coherentes nel so autoritarismu cola so natura clas; tolos valores que defende'l Pueblu, na más los puen amitir nel sen de se-ios el porgüeyu de más altor; y tola fuercia que'l Pueblu Mieres fai y faga pa defender lo que ye de so, les sos maneres de vivir, la so tradición, y el so porvenir, petará-ios el remana-la peles llendes polítiques nes que la burguesía atópa-se a gusto: la vida parllamentaria, la llegalidá vixente, les negociaciones secretes ente xerarquíes o consensu.

2.- De les postures de los partíos obreros mayoritarios n'Asturies, (PSOE, PCE), hai que dicir que delantr'l problema'l desmantelamientu, ficieron un xuegu inconsecuente. Nun ye que la fuercia la mayoría los trabayaores encadarmaos ente UGT y CCOO seya ruina; ye que de magar de dos años pacá vién galgándo-se-ios, pela de bones, dende les cabeceres del PSOE y PCE. Perque'l desmantelamientu foi previstu a les clares, (bien pasu ente pasu y bien públicamente), dende les files de los sindicatos, per eses feches féxo-se la manifestacionona d'Avilés... - pero prefirió-se escaecé-lo en abondos meses - mentes que s'imponíin consensos dende Madrid, (como'l Pautu la Moncloa, que recortó sustancialmente el valor aquisitivu de los trabayaores y que nun galgó na'l paru), y con competiciones polítiques de traces per males, como la carrera vieyos na Diputación, como'l repartu cargos públicos y privilexos materiales ent'ellos, como l'esanicie de vergüenza de tolos puestos de trabayu de la Batería Moreda-Xixón y el tresladar una parte la plantilla a Avilés sin consultar a daquién de los que-ios cincaba...

3.- Pero ye l'atividá de tolos militantes obreros y el pueblu enfotau en lluchar el que va decidir en que medía van imponé-se nes negociaciones, peles que pasa la igua d'esta crisis, (ENSIDESA-MIERES), les llínies combayones y fates y les llínies progresistes. Dende les bases los sindicatos, dende les asamblees y dende la mesma ación, HAI UNOS FINXOS A ALGAMAR Y DENGÚN PRIVILEXU A CONSERVAR.

x NON A LA TRAMPA LA PRIVATIZACIÓN.- Ensidesa tien que seguir tando'n Mieres, con istalaciones nuees que dean trabayu como mínimu a tola plantilla que trabaya güei equí, tamién hai que facer perque la xente que va y vién a Veriña, (150), nun lo ficieran.

x ENDUSTRIALIZACIÓN DEL TARRÉN QUE NUN FAIGA FALTA PA DES ISTALACIONES NUEES.- Son, el gobiernu, la empresa estatal y la patronal, los que tienen que facer les propuestes d'inversión pa iguar el problema'l paru.

x NON AL ESANICIE DE CONTINO DE PUESTOS DE TRABAYU QUE DENDE 1.973 VIEN FACIENDO-SE'N ENSIDESA.- fallecimientos, pensionistes, escedencies, incapacidaes, ..., sin amitir xente.

x SÍ A L'AUTONOMÍA DAFECHU, NON A LES COMEDIES PARLLAMENTARIES.- Esixencia darreu d'atribuciones dafechu pala Conseyería Trabayu pa facer una política d'empleu asturianu.

NA GRIESCA PEL PUESTU TRABAYU NA CAI Y NEL TAYU

PUXA ASTURIES LLIBRE !!

Agostu, 79

C.N.A.


Fonte: Archivu Municipal de Mieres.
Trescripción: El cielu por asaltu.

Etiquetas:

3 Comments:

Blogger vesania said...

Grandisimo blog,me pasare por aqui más amenudo:)

1:22 a. m.  
Blogger vesania said...

deberias actualizar más amenudo xDD que estaba muy bien el blog.

7:50 p. m.  
Blogger Mazhuku said...

Jeje, un día de estos volveremos a la carga.

9:28 a. m.  

Publicar un comentario en la entrada

<< Home