El cielu por asaltu

Recuperar la dignidá, recuperar la llucha. Documentos pa la hestoria del movimientu obreru y la clase obrera n'Asturies.

Nombre:

lunes, diciembre 29, 2008

Bando del Comité Provincial Revolucionario de Asturias (18 de octubre)

A todos los trabajadores:

El día cinco del mes en curso comenzó la insurrección gloriosa del proletariado contra la burguesía, y después de probada la capacidad revolucionaria de las masas obreras para los objetivos de gobiernos, ofreciendo alternativas de ataque y defensa ponderadas, estimamos necesaria una tregua en la lucha, deponiendo las armas en evitación de males mayores. Por ello, reunidos todos los comités revolucionarios con el provincial, se acordó la vuelta a la normalidad, encareciéndoos a todos os reintegréis, de forma ordenada, consciente y serena, al trabajo. Esta retirada nuestra, camaradas, la consideramos honrosa por inevitable. La diferencia de medios de lucha, cuando nosotros hemos rendido tributo de ideales y de hombría en el teatro de la guerra, y el enemigo cuenta con elementos modernos de combate, nos llevó por ética revolucionaria a adoptar esta actitud extrema. Es un alto en el camino, un paréntesis, un descanso reparador después de tanto surmenaje. Nosotros, camaradas, os recordamos esta frase histórica: "Al proletariado se le puede derrotar, pero jamás vencer."

¡Todos al trabajo y a continuar luchando por el triunfo!

Comité Provincial Revolucionario de Asturias

18 de Octubre de 1934

Etiquetas:

sábado, diciembre 20, 2008

El comunismo libertario en Asturias

(DE NUESTRO CORRESPONSAL EN CANGAS DEL NARCEA)

Desde hace días vienen circulando por esta villa rumores de que ocurre algo grave en algunos poblados de este concejo o del limítrofe de San Antolín de Ibias.

Aunque todavía se guarda gran reserva, ya sabemos que las autoridades locales se han puesto al habla con las provinciales, informándolas de lo que ocurre, y que se han dado órdenes de concentración de fuerzas para acudir a esos lugares, donde se dice que ocurre algo anormal.

Acuciados por todas estas vagas noticias, procuramos indagar por todas partes, y a última hora nos parece que hemos cogido la punta del hilo, que corresponde a un grueso y complicado ovillo.

Se da por seguro que en esos pequeños poblados montañeros a que hemos aludido, se ha proclamado el comunismo libertario, y como allí no hay autoridad de ninguna clase capaz de evitarlo, los sublevados -llamémosles así- campan por sus respetos y gobiernan al pueblo con arreglo a su ideológico programa.

Igualmente se da ya por cierto, que fuerzas de la Guardia Civil y de Asalto, provistas de todo género de armas para la batalla, vienen sobre estas tierras, para reducir a los rebeldes.

De lo que no tenemos todavía noticias, es de que se hayan cometido desmanes por parte de los comunistas.

Parece que los sucesos se desarrollan en pueblos de la montaña, casi rayanos con la provincia de León.

Estas son las noticias que por aquí circulan y que procuraré ampliar para informar a los lectores de EL NOROESTE.


Publicado en: El Noroeste, 11 de enero de 1934.
Fuente: Hemeroteca de Xixón.

Etiquetas:

domingo, diciembre 07, 2008

Entrevista a María Antonia Mateos

Los primeros años del sieglu xx tuvieron marcaos por una fuerte inquietú política a la que nun foron ayenes les muyeres. Sicasí, la so militancia foi tapecida pola dictadura franquista forzando una imaxe de la muyer -con proyección al pasáu y al futuru- pasiva y sumisa. «¡Salud, compañeras! Mujeres socialistas en Asturias (1900-1937)» (Trabe), de María Antonia Mateos, ye prueba, y homenaxe, a esi activismu femenín.

-¿Cómo surde esti estudiu?

-A raíz de la investigación na que trabayo sobre'l teatru en relación col movimientu obreru fixi un repás per tola prensa obrera d'Asturies d'ente 1900 y 1937: l'Aurora Social (del PSOE n'Asturies), El Socialista, Avance, periódicos lligaos al anarquismu y al comunismu y El Noroeste, que ye fundamental pa conocer esti periodu. La Fundación Barreiro fíxome l'encargu d'afondar no que yera la presencia de les muyeres nel movimientu obreru y, pesie a que se tuvo qu'ellaborar en mui pocu tiempu, ye un trabayu mui exahustivu no tocante a les fontes sobre muyeres significatives que tienen dalgún tipu de papel nel socialismu asturianu.

-Nesi rebuscu pela prensa, ¿percíbense diferencies na participación femenina nel socialismu, el comunismu y l'anarquismu?

-Ye mui asemeyada ente'l socialismu y el comunismu y les diferencies márquense nel anarquismu. Cuando'l PSOE se dixebra en 1921 y naz el Partíu Comunista (PC) hai munches muyeres que pasen a les files del comunismu. De fechu, una de les muyeres fundamentales nel socialismu español, Virginia González, ye una de les fundadores del PC en 1921 y con ella, que yera una líder de les muyeres, marcharon munches, n'Asturies fundamentalmente les de Turón. Ehí siguieron con una militancia mui asemeyada: mui férrea y mui disciplinada, cosa que nun pasa nel anarquismu, onde amás son poques les muyeres.

-Fálase davezu de la escasa presencia de les muyeres nos medios de comunicación: ¿repítese esti fenómenu na prensa de la época? ¿Cuál ye'l tratamientu que reciben de los medios?

-Hai más presencia de la que se podía pensar de mano. Al tener una referencia principal de la historia de los cuarenta años de dictadura y con tol retrasu que supunxo davezu escaezse que nos años trenta había oradores y diputaes; que les muyeres movilizaben en fuelgues y manifestaciones dende siempre; que'l Primeru de Mayu taben en primera fila; dende mediaos del xix yá mandaben artículos a la prensa... Equí cuesta estremar los artículos escritos por paisanos qu'adoptaben un seudónimu con nome de muyer de los que realmente son de muyeres, pero sí consta qu'hai muyeres qu'unvíen artículos de denuncia pol atosigamientu de la Ilesia énte la so militancia; collaboraciones lliteraries con dalgún tipu de visión más o menos social; falen muncho de les cooperatives que se creen nel movimientu obreru... Y siempre afalando a les otres a la participación política. A finales de los venti, cuando yá s'avera la II República, en cualquier mitin siempre hai dalguna oradora que vien de fuera y otra compañera que s'anima a participar, portadores y bordadores de banderes... Yera una participación mui natural que munches veces escaecemos por cuenta d'esos cuarenta años de dictadura. Seguramente una nieta de los años sesenta o setenta yera muncho más cobarde que la güela que, siendo autodidactes la mayoría, llanzábense a falar en público con una valentía que yera impensable munchos años depués. Hasta güei pa qu'una muyer fale en público tien de tar mui segura del so discursu, mui preparada..., éstes son muyeres que nun tienen nada que ver coles fiyes y les nietes.

-Precisamente llevamos un añu de conmemoración de la II República nel que se remarcó lo que supunxo d'avance pa les muyeres. ¿Puede cayese nuna mitificación de lo que foi esti periodu pa la población femenino?

-Ye cierto que depués de la demonización a la que se sometió la II República puede cayese nuna mitificación d'esi periodu y, nesti casu, na recoyida de testimonios d'estes muyeres, sí se ve que la mayoría d'elles queríen que fuere too muncho más rápido. Muyeres mui significatives nel socialismu asturianu y nel español teníen tantísimes expectatives n'abril de 1931 que depués expresaron hasta decepción pola posición que tomó'l partíu nel que militaben. Pa elles los cambios diben mui despacio y eso llevó a enfrentamientos internos: sobre nun ser tan cobardes nos avances, la necesidá d'entainar nel procesu... Creíen que realmente diba llegar la revolución social y qu'ésta diba trayer tolo que pidíen dende va años. Sí que se recoyeron munches lleis feministes nel papel, como'l divorciu o el votu, pero la igualdá de facto naide la llegó a ver. Por exemplu, estes muyeres yeren mui anticlericales y víen que la Ilesia nun perdía tol poder que tenía. El casu más claru ye'l de Margarita Nelken, diputada socialista, qu'expresa la so decepción cola lentitú de los cambios, vía que cuanto más tardaben en facese menos posibilidaes diben tener en ganar l'apueste de la República. Esa decepción rescampla nel enfrentamientu social. N'Asturies lleguen a les manes les «dames de la estropajosa», d'Acción Popular, coles socialistes y les comunistes, cuasi nuna representación de lo qu'asocedía nos niveles más altos.

-Nesa dómina el votu de les muyeres tuvo un protagonismu especial nel debate políticu a nivel estatal. ¿Reproducióse esi debate n'Asturies?

-Sí. Tola campaña de 1933 céntrase d'una manera mui intensa nel votu de les muyeres diciéndo-yos, tanto pela derecha como pela esquierda, que'l resultáu va depender d'elles. Con too, munches militantes recuerden que, depués de bien d'años ensin mirar pa elles, yera demasiao tarde pa venir a buscales. Al empar, hai una movilización importante tanto de les muyeres de dereches como les d'esquierdes: aparecen bien d'oradores nun actu de militancia y de fe total afalando a les otres muyeres a participar.

-Más tarde les elecciones de 1936 preséntense como otra puesta a prueba del votu femenín.

-El papel de les muyeres ye fundamental nesi momentu xunto col papel de les muyeres d'Asturies del 34, que lleguen a convertise nuna bandera a nivel estatal que moviliza'l votu: les vildes de Carbaín, les muyeres de los presos, les militantes d'agrupaciones socialistes, los güerfanos de la Revolución... La muyer sola que pierde al home n'ochobre alquier un protagonismu mui importante como una metáfora cola que s'afala al votu a les propies muyeres, llamándoles a la unión pa evitar situaciones como a les que llegaron a cuenta de los resultaos de les elecciones de 1933. Con too y con eso, pesie a los análisis que se fixeron en 1933, la valoración que se fai más tarde ye que la esquierda foi mui desunida, que la derecha diba en bloque... Errores de táctica que nun teníen que ver con que votaran les muyeres.

-¿Qué pesu tien ente les muyeres la militancia obrera y la feminista?

-De feminista prácticamente nada, elles considérense clas obrera y incluso supediten la so militancia a la de los homes. Los grupos femeninos que se formen a primeros de sieglu con Virginia González son siempre subsidiarios del movimientu mayor y siempre tien qu'haber un paisanu que de dalguna manera sía mentor de la so iniciativa. Nesi sen, munches veces quéxense del despreciu que manifiesten los compañeros y, de fechu, recrimínen-yos que namás s'alcordaron d'elles a la hora de votar.

Amás, elles son les que sufren tener a un militante destacáu en casa colo que supón de fuelgues, represión y miseria, pero al tiempu qu'afalen a les otres a que los comprendan y a dir a piquetes a les fuelgues pa que'l propiu movimientu d'homes nun caiga. Hai una militancia mui subsidiaria a la de los homes. Otru tipu de militancia ye'l de les muyeres que trabayen fuera y que s'enxerten nos sindicatos de l'aguya, les llavanderes o les carboneres que defenden la so condición de clas. A finales de los trenta hai dalgo de discursu feminista, pero mui supeditáu al de clas.

-Nel llibru recueye'l doble discursu de los homes: afalando a les muyeres a la militancia y a la so independencia mentes exercíen una tutela continua sobre elles.

-Siempre calteníen esa tutela sobre elles. Quiciás una de les primeres que toma un papel más independiente ye Purificación Tomás, anque tamién hai que tener en cuenta'l padre que tenía, Belarmino Tomás, que se crió na Casa del Pueblu y que tenía una formación muncho más llibre y independiente que les anteriores. De toles maneres, yá nel exiliu, ella renueva los grupos femeninos dientro del socialismu y córten-y les ales, nunca quixeron que tuviera demasiao poder, sinón quedara nun apartáu secundariu y d'apoyu a los paisanos. La idea de cambiu de los homes yera que les muyeres nun habíen suponer una torga pa los militantes, escaeciendo qu'elles yeren les que víen les consecuencies negatives d'esa militancia masculina: la persecución, la fame en casa...

-¿Qué nomes de muyeres destacaría nel socialismu asturianu?

-Una de les figures más apasionantes ye Balbina Campo, que principia a militar en 1901 a raíz de casar con José Roca, ún de los fundadores de l'agrupación socialista de Mieres y de la FSA. Foi la «conserja» -como ella mesma dicía- del centru obreru de Mieres y tocó-y facese fuerte en casa colos fiyos na fuelgona de 1906 mentes que tolos paisanos tuvieron que marchar. Ella y l'home vense forzaos al exiliu y Balbina, en cuantes que llega a Arxentina, vuelve a militar na esquierda y retoma'l papel d'actriz que tuviera nel centru obreru. Nun abandonó en tola so vida nenguna d'estes dos facetes y, de fechu, en 1951 fain-y un homenaxe nel Centru Republicanu de Buenos Aires por cincuenta años de militancia na esquierda, mentes qu'en 1953, nel Centru Asturianu, fain-y otru homenaxe polos cincuenta años d'actriz, una actriz que lleva'l teatru asturianu per tol conu sur. Ye d'una coherencia impresionante a lo llargo de tola so vida.

Nos años venti tien un papel importante Selina Asenjo, de Sama, que na dictadura de Primo de Rivera, cuando nun había prácticamente muyeres oradores ye cuasi la única militante nesa dómina y contribuyó enforma a normalizar el fechu de ver a una muyer falando en públicu nun pueblu, dalgo que yera mui novedoso daquella. Amás, xunto coles sos hermanes, que yeren modistes, formó'l sindicatu de l'aguya.

A éstes hai qu'amestar toles que nun aparecen en lletra de molde pero que tuvieron una militancia destacada y en bien de casos hubieron afrontar duros procesos de represión: portadores de banderes, bordadores, modistes a les qu'echaren del taller por dir a un Primeru de Mayu, oradores que pasaron venti años na cárcel...

Y nun primerísimu primer planu ta Purificación Tomás: más xoven que les anteriores y con una formación académica y política... Ocupó los puestos más importantes, llegó a la executiva y siguió cola so militancia hasta'l final. Sicasí, anque en bona midida pasó a la historia como la muyer de Rafael Fernández, ella nos años trenta foi mui destacada na militancia: yera la que participaba nos mítines al mesmu nivel que los homes, na guerra moviliza a les muyeres na retaguardia... Esi papel queda mui desllucíu cuando él llega y se convierte en presidente d'Asturies. Bien de veces remítense a ella como la fía de Belarmino Tomás y la muyer de Rafael Fernández y, anque siempre foi conocida como «la fía Belarmo», tuvo un papel y una personalidá mui fuerte y radical yá dende los quince años.

-Anque yá quede fuera del periodu estudiáu: ¿Percíbese la güelga de la militancia femenina nesa dómina cuando'l partíu vuelve a la lluz pública na transición?

-Ye Pura Tomás la que ximielga la bandera femenina nel exiliu y la que saca la idea de reavivar los grupos femeninos. La so idea ye recoyida por Carmen García Bloise, una diputada socialista que taba en París nel exiliu y vuelven a crease los grupos femeninos socialistes, pero los vieyos militantes siguíen viéndolos como subsidiarios a los masculinos, dalgo que choca cola intención de Purificación Tomás, qu'intenta que tengan un papel más independiente y traten específicamente temes femeninos. Pero ella mesma reconoz que nun atopa l'apoyu de les xóvenes feministes españoles, quiciás porque tenía una visión mui antigua respecto a les más nueves de lo qu'habíen ser los grupos femeninos.

-Una de les iniciatives de les muyeres asturianes ye la creación de la fiesta de la flor encarnada'l Primeru de Mayu. ¿En qué consistía?

-Foi una fiesta creada poles muyeres de Mieres que s'espardió per tol Estáu: daben una flor encarnada a cambiu de dineru pa la causa que se reivindicara nesi día: pola prensa socialista, pa campañes electorales... Nació en Mieres porque yera onde había un altu nivel de militancia femenina, el grupu femenín de Turón taba mui lligáu a Virginia González y Rosario de Acuña y los grupos de teatru femeninos también se creen ellí a primeros de sieglu.

-Fala tamién de la organización de tes y cafés fraternales y de la importancia del teatru.

-Los anarquistes principiaron a finales del XIX con esti tipu d'iniciatives, partiendo de la so ideoloxía austera y antialcohol polos sos efectos tanto pa la clas obrera como nes cases. Facíense xuntances alredol d'una bebida non alcohólica na que veníen les muyeres y les families pa confraternizar ente tola militancia pagando una pequeña entrada pa sufragar el sindicatu, l'agrupación, la escuela... Depués había una parte lúdica con llectura de poemes, d'artículos de prensa, música y baille. Yera una manera "alternativa" d'esparder, qu'a la fin, diferenciábase del burgués na ideoloxía de les obres y nel non consumu d'alcohol, porque yera una manera mui directa de tresmitir la ideoloxía. Entós, cuando yeren quien a formar un grupu d'homes y muyeres representaben un gran melodrama social -fundamentalmente d'enfrentamientu ente clases- y depués una obra -"escacharrante xuguete"- una pieza humorística, obres de Pachín de Melás, monólogos... pa poner un final dulce a la velada.

Beatriz R. Viado


Publicáu en: Les Noticies, 2 de setiembre de 2007.
Fonte: Les Noticies.

Etiquetas: